മുറിയിലെ ചുവന്ന വെളിച്ചംഡേവിഡിന്റെ
പരുത്ത സൗന്ദര്യം
പകര്‍ന്നത്,
ഉന്മാദത്തിന്റെ
ചാരനിറമുള്ള പുക
ചുവപ്പില്‍ ലയിച്ചപോല്‍ .
ഡിജിറ്റല്‍ കാമറയുടെ
മാസ്മരികത
സ്‌ക്രീനില്‍ തെളിയിക്കുന്ന
വര്‍ണ്ണ വട്ടം,
അല്ലെങ്കില്‍ മിത്ത് എന്ന
തത്ത്വസംഹിത.
ചുവക്കുന്നു
ആര്‍ത്ത ഒരു സെക്കന്‍ഡ്
കശക്കിയ എന്റെ ഹൃദയം
പൊട്ടി ചുവക്കുന്നു.
ചുവപ്പില്‍ അവള്‍
മുങ്ങി താഴുന്നത്;
ഭീതിയില്‍ കാണുന്ന
ഒരു സ്വപ്നത്തില്‍ നിന്ന്
കടുത്ത കണ്‍പോളകളെ
ഉറക്കെ തള്ളി മാറ്റി
ഉണരാന്‍ ശ്രമം.
(David* is a masterpiece of Renaissance sculpture
sculpted by Michelangelo from 1501 to 1504.)
No comments:
Post a Comment