കോഫി ഷോപ്പ്

പാലസ് റോഡിലെ കോഫി ഷോപ്പ്
പശ്ചാത്തല ഭംഗിക്ക്
പച്ചവിരിച്ച പൂന്തോട്ടം
വാടിയ റോസിന്
ഡാഫുഡില്‍ തലയെടുപ്പ്
മാര്‍ജാരനും ഹിപ്പിതൊപ്പിയും
പുതിയ ഭാവത്തില്‍
കവാടത്തില്‍ പരസ്യചിത്രം.

ചതുര മേശക്കു ചുറ്റിലും
കുശുമ്പും കുന്നായ്മയും.
കൊത്തുപണിയുള്ള
ഫര്‍ണിച്ചര്‍ പാളിക്കു
മറുവില്‍ പഞ്ചാര
കൂടിയും കുറഞ്ഞും
സ്വാദുള്ള കോഫി.

ചതുര മേശകളില്‍ പലവിധ
ശബ്ദ കോലാഹലങ്ങള്‍ .
ഭാഷാ സ്‌നേഹിയും കവിയും
അധ്യാപകനും കുശലം.

ചുവപ്പും വെള്ളയും ധരിച്ച
പരിചാരകര്‍
ശ്വാനമതം കാണാതെ പഠിച്ച
അഭ്യസ്തവിദ്യര്‍.

കോഫി ഷോപ്പില്‍
പുതിയ പരീക്ഷണങ്ങള്‍
ചൂടു കൂടിയ ചര്‍ച്ചകള്‍ .

ഫര്‍ണിച്ചര്‍ പാളിക്കപ്പുറം
പഞ്ചാര കൂടിയും കുറഞ്ഞും,
കാമറ കണ്ണുകള്‍ അങ്ങോട്ട് പാളി.

ഞാന്‍ വിത്തൗട്ട് കോഫി കുടിച്ച്
കാശ് കൊടുത്തു
പാലസ് റോഡിലേക്കിറങ്ങി
ഡാഫുഡില്‍ പരിവേഷമുള്ള റോസിന്
ഒരു ചെറു പുഞ്ചിരിട്ടിപ്പു കൊടുത്തു നടന്നു.